去到加拿大想試下當地嘅特色甜品? 咁一定要試下有百年歷史嘅朱古力店 Purdys Chocolatier。Purdys Chocolate創辦人Richard C. Purdys 1907年喺溫哥華市中心Robson Street 開咗第一間Purdys Chocolates，一直堅持用品質最好同最新鮮嘅材料去製作朱古力。去到依家，Purdys Chocolatier已經喺加拿大全國開咗75間分店，實至名歸成為屬於加拿大嘅朱古力！
當地人除咗會買Purdys嘅朱古力做手信之外，仲有最受遊客歡迎嘅”The Original” Ice Cream Bar。呢個雪條做法其實好簡單，首先店員會喺冰箱攞出雲呢拿味嘅雪條，將雪條浸落白朱古力同黑朱古力醬入面，然後趁朱古力未變硬之前，將雪條再擺喺杏仁碎/彩色朱古力針堆到，令雪條外層沾滿杏仁碎/彩色朱古力針。佢哋亦都好細心，最後會加個紙兜避免啲碎跌到周地都係。
雖然價錢唔平，但係試完一定會覺得物有所值喇！
記得下次去加拿大一定要試下Purdys Ice Cream Bar啦，包你一試難忘！(如果香港都有就好啦 )